Afmælisrit þetta markar sjötugsafmæli Sigurðar og jafnframt starfslok hans. Af þessu tilefni sameinast fyrrum nemendur hans og samstarfsfólk um að varpa ljósi á fjölbreyttan og víðfeðman fræðilegan áhuga hans. Greinarnar sem hér birtast fjalla meðal annars um læsi, spilafíkn, áföll, mótþróaþrjóskuröskun, taugavísindi, núvitund og sögu sálfræðinnar – og draga upp mynd af manni sem hefur haft djúpstæð áhrif á bæði nemendur og fræðasvið sitt.

Sigurður hefur í áratugi verið einn ástsælasti kennari Sálfræðideildar Háskóla Íslands. Í bókinni er því jafnframt fjallað um hlutverk leiðbeinandans og mikilvægi kennslunnar. Í lokin stígur Sigurður sjálfur fram og rifjar upp eigið ævistarf, með áherslu á kennslu og leiðarljós hans í starfi.

Ritstjórar: Andri Steinþór Björnsson, Árni Kristjánsson, Heiða María Sigurðardóttir, Urður Njarðvík