Fyrsta hefti ársins er fjölbreytt og snertir meðal annars á íslenskum kvikmyndaarfi, bandarísku vampírupönkrokki og kynþáttahyggju í miðaldatextum svo fátt eitt sé nefnt. Við birtum ávarp Önnu Rós Árnadóttur, sem hún flutti á málþingi um Nóbelsverðlaunin í Norræna húsinu í nóvember, þar sem hún bregst við þeirri umræðu um að framhaldsskólanemar lesi ekki lengur bækur Halldórs Laxness. Forsíðuna prýðir verk eftir Ástu Fanneyju sem verður fulltrúi Íslands á Feneyjatvíæringnum í myndlist sem opnar í byrjun maí og í heftinu ræðir hún listsköpun sína og sitthvað fleira við Ragnar Helga Ólafsson. Að auki býst lesendum fjölbreyttur skáldskapur, meðal annars tvær þýðingar á úkraínskum bókmenntatextum, auk þess sem smásaga Sólveigar Hauksdóttur, Jökla, er skrifuð undir áhrifum frá sögu úkraínska höfundarins A.D. Sui. Þá stígur Haukur Már Helgason fram sem hugvekjuhöfundur ársins. Heftinu lýkur svo á umfjöllun um fjórar nýjar bækur.