Í bókinni Sagnfræði á 20. öld fjallar víðkunnur þýsk-bandarískur sagnfræðingur, Georg G. Iggers, um þróun sagnfræðinnar allt frá því hún varð að fræðigrein í háskólum á 19. öld og fram til nýju menningarsögunnar, einsögunnar og póstmódernismans. Iggers ræðir bæði um kenningar og aðferðir í sagnfræði og setur breytingar á greininni í alþjóðlegt samhengi, t.d. hvernig lýðræðisþróun 20. aldar, fall sovéska heimsveldisins og hnattvæðingin hafa haft áhrif á sagnaritun.

Í bókinni er ítarlegur eftirmáli sem höfundur samdi sérstaklega fyrir íslensku útgáfuna. Bókin er nauðsynleg bæði sagnfræðingum og öllu áhugafólki um hugmyndastrauma og sögu samtímans.

Bókin er gefin út í ritröðinni Ritsafn Sagnfræðistofnunar og þýðendur eru Eiríkur K. Björnsson, Ólafur Rastrick og Páll Björnsson.