Janusarsteinninn er önnur bókin um dr. Ruth Galloway eftir metsöluhöfundinn margverðlaunaða Elly Griffiths. Sögur hennar eru afar vinsælar í Bretlandi og á Norðurlöndunum, enda ómótstæðileg blanda af óhugnanlegum ráðgátum og spennu, fornleifafræði, húmor og stórkostlegum persónum.

Þegar gamalt glæsihýsi er rifið í bænum Norwich finnst beinagrind undir dyrunum, barnsbeinagrind sem á vantar höfuðið. Er um morð að ræða  eða jafnvel einhvers konar fórn tengda fornum helgisiðum? Beinasérfræðingurinn dr. Ruth Galloway og Harry Nelson hjá rannsóknarlögreglunni taka höndum saman um rannsókn málsins.

Í húsinu var eitt sinn barnaheimili og Nelson rekur garnirnar úr kaþólskum presti sem veitti því forstöðu. Jú, vissulega höfðu tvö börn horfið sporlaust fjörutíu árum fyrr en málið vindur upp á sig á óvæntan hátt. Og það er þá sem einhver fer að beita illkvittnislegum hrekkjum til að fæla Ruth frá rannsókninni.

Eyrún Edda Hjörleifsdóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 11 klukkustundir og 10 mínútur að lengd. Elva Ósk Ólafsdóttir les.