Jo Thomas

Sumarævintýri sem hún aldrei gleymir. Lucia hefur lagt hart að sér við lögfræðistörf í Wales og dreymir um stöðuhækkun sem hún vonast til að fá innan skamms. Eftir mikla vinnulotu tekur hún tekur sér verðskuldað frí í húsi afa síns og ömmu á Suður-Ítalíu. Sólskinið, sítrónutrén og girnilegur matur ömmu hennar láta henni samstundis líða eins og heima hjá sér.

Henni bregður þó í brún þegar hún kemst að því að afi hennar ætlar að láta af störfum á ástkærum pítsustað fjölskyldunnar og selja fyrirtækið. Lucia getur ekki hugsað sér að staðurinn skipti um hendur sérstaklega þegar hún kemst að því að fyrrverandi eiginmaður hennar, Giacomo, vill taka við honum! Þá verða fréttir að heiman til þess að Lucia þarf að endurmeta hvað hún vill fá út úr lífinu. Er þetta tækifæri hennar til að halda fjölskylduhefðinni áfram og elta drauma sína?