Höfundur: Richard Brautigan

Hefnd grasflatarinnar er smásagnasafn eftir bandaríska höfundinn Richard Brautigan í íslenskri þýðingu Þórðar Sævars Jónssonar.

Í 62 örsögum bregður höfundur upp hverfulum svipmyndum af furðulegum raunveruleika. Textinn er í senn ljóðrænn, fjarstæðukenndur, frumlegur, harmrænn og ómótstæðilega fyndinn. Óhætt er að segja að fá skáld standi Brautigan snúning hvað myndvísi og myndlíkingar varðar en hann sá póesíu og fegurð á stöðum sem fæstir veita nokkra eftirtekt.

Richard Brautigan fæddist árið 1935 í Washington-fylki í Bandaríkjunum. Hann gaf út sínar fyrstu ljóðabækur upp úr tvítugu og eftir hann liggja tíu skáldsögur, jafnmargar ljóðabækur og tvö smásagnasöfn. Segja má að Brautigan hafi skotist upp á stjörnuhimininn með skáldsögunni Silungsveiði í Ameríku sem kom út árið 1967, þegar blómabyltingin stóð sem hæst. Hefnd grasflatarinnar kom út stuttu síðar, árið 1971, og er talið eitt merkasta smásagnasafn sem komið hefur út á enskri tungu. Brautigan stytti sér aldur á heimili sínu í Kaliforníu haustið 1984, fjörtíu og níu ára að aldri.

Þórður Sævar Jónsson hefur birt ljóð í Stínu og Tímariti Máls og menningar og gaf út sína fyrstu ljóðabók, Blágil, í flokki Meðgönguljóða árið 2015. Þýðing Þórðar úr grísku á bókinni Sönn saga – lygasaga eftir Lúkíanos frá Samósata kom út hjá Tunglinu árið 2016. Þórður Sævar hefur verið einn af yfirritstjórum seríu Meðgönguljóða frá árinu 2016.

Eða kannski er þetta það sem þú ert að leita að?

Hefnd Diddu Morthens - Nýjar raddir 2025

Hefnd

Hefnd grasflatarinnar

Aðventuævintýri Diddu

Orri óstöðvandi: Hefnd glæponanna

Villinorn 3: Hefnd Kímeru

Svalur og Valur 58 - Hefnd gormsins