Höfundar: Sigþrúður Gunnarsdóttir, Elín Edda Pálsdóttir

Að þessu sinni minnumst við tveggja skáldkvenna sem báðar féllu frá á nýliðnu ári, Álfrúnar Gunnlaugsdóttur sem Ástráður Eysteinsson fjallar um í ítarlegri grein og Vilborgar Dagbjartsdóttur sem Jón Hálfdanarson skrifar um skondna athugun. Andi Halldórs Laxness svífur hér líka yfir vötnum, Halldór Guðmundsson frumbirtir næstum fjörutíu ára gamalt samtal sitt við skáldið og Elmar Geir Unnsteinsson gagnrýnir nýjar útgáfur á verkum Nóbelsskáldsins. Þá rýnir Orri Vésteinsson í húmor Káinns og samfélagsins sem leyfði honum að blómstra og Þorvaldur Gylfason bregður ljósi á pólitíska stöðu í Kína samtímans.

Nýr skáldskapur fær líka sinn sess, hér má finna verðlaunaljóð Brynju Hjálmsdóttir og Jakubs Stachowiak úr samkeppninni um Ljóðstaf Jóns úr Vör og smásögur birta tveir höfundar sem nýlega vöktu mikla athygli fyrir skáldsögur sínar; Anna Hafþórsdóttir og Joachim B. Schmidt. Haukur Ingvarsson opnar heftið með ljóðinu Kalt stríð og Kristín Nanna Einarsdóttir og Þórður Sævar Jónsson eiga líka ljóð í heftinu. Kápumynd Þórdísar Aðalsteinsdóttur tengist greininni „Katla og skáldskapur á tímum loftslagsbreytinga“ eftir Auði Aðalsteinsdóttur, þar sem rýnt er í þessa vinsælu sjónvarpsþáttaröð sem nú er sýnd víða um heim. Vera Knútsdóttir, Þorgeir Tryggvason, Gréta Sigríður Einarsdóttir og Einar Már Jónsson birta umsagnir um nýútgefnar bækur og og Jónas Reynir Gunnarsson heldur áfram röð hugvekja, nú með kastljósið á skuggaefni.

Eða kannski er þetta það sem þú ert að leita að?

Árbók 2022 - Undir jökli, frá Búðum að Ennisfjalli

Jólasyrpa 2022

Hetjurnar á HM 2022

Tímarit Máls og menningar 2022 2. hefti

Tímarit Máls og menningar 2022 1. hefti

Tímarit Máls og menningar 2022 3. hefti

Tímarit Máls og menningar 2022 4. hefti

Hvað veistu um fótbolta? 2022